N ucajion di juesc olimpics da inviern à la pruvinzia de Bulsan prugramà na gran cumpëida de scumenciadives dan y ntan la garejedes de Antholz, coche mostres, Public viewing, vijites acumpaniedes y mo scialdi deplù.
La Provinzia de Bulsan mët a disposizion 2,5 milions de euro per chësta iniziatives. Chësta soma ie destineda al program de curnisc y a la iniziatives di Juesc Olimpics da d’inviern te Südtirol y l curespuend al 2,5% dl budget de un n ann da la Provinzia y dala Region per la cultura.
L sarà da udëi la garejedes olimpiches dal viv sun l maxischermo.
Per valorisé i atlec y la atletes de Südtirol uniral metù su na tofla de unëur te 32 chemuns di atlec che à venciù na medaia olimpica. La scumenciadiva vën metuda a jì dal CONI, dala VSS y dal Cunsorz di Chemuns dla Provinzia de Bulsan.
A Antholz uniral metù a jì n di dla porta davierta ulache la jënt pudrà dé na udleda al stadio nuef y l mplant sportiv che vën adurvà dut l ann cun la nueva nfrastrutures purtedes a fin de gra ai nvestimënc.
Atmosfera olimpica sun la “Freizeitmesse” de Bulsan: i vijitadëures a giatà nfurmazions sun i proscimi Juesc Olimpics da inviern. Ngrum de atlec olimpics fova sul post à cunté de si esperienzes persuneles.
N culaburazion cun l’ntendënza scolastica y l CONI, saral udù dant 70 vijites tla scoles. Te chësta ancuntedes saral la atletes y i atlec olimpics a cunté dant si esperienza de avëi tëut pert ai juesc olimpics tla scoles elementeres, mesanes y autes.
