Bulsan. L sarà na zeremonia che i apasciunei dl sport aspieta bel dassën dan unì edizion di Juesc Olimpics. La flama olimpica unirà mpieda n mierculdi ai 26 de nuvëmber a Olimpia y purteda tres la Grecia nchina a Atene, dan che si viac jirà inant tres la Talia ai 6 de dezëmber, doi mënsc dan la giaurida di Juesc Olimpics da d’inviern de Milan Cortina 2026. Dal 27 al 29 de jené ruverà l chentl olimpich te Südtirol.
Pian via da San Vido de Ciadura, ruverà la flama olimpica per l prim iede te Südtirol ai 27 de jené 2026. I tedofori ruverà a Toblach puech do la diesc daduman y purterà pona l simbol olimpich a Niederdorf. Ntëur mesdi sarà la defileda tl chemun de Rasen-Antholz, dan che si viac jirà de viers de Burnech, cun na pitla delegazion che jirà nchinamei sul Kronplatz.
For ai 27 de jené sarà la flama olimpica da udëi nce a Persenon, ulache si unida ie ududa dant ntëur la 4 domsdi. La 51ejima tapa dla stafeta olimpica finerà via a Bulsan, ulache dala 19.30 inant ie ududa dant na gran festa.
Mierculdi ai 28 de jené jirà l viac dla flama olimpica inant tres Südtirol y la provinzies ujines. Da Urtijëi pea l chentl via abenëura daduman sui schi y tres la Sellaronda y cun l skijöring tla Zità di Sasc nchina via n Fascia, per ponà ruvé de reviers al Lech de Carezza (ntëur mesdì). Da ilò jirala inant tl Trentino nchina a Ciavalëis, travert dla 52ejima tapa.
L chentl olimpic sarà da udëi nce tla pert ovest de nosta provinzia. Juebia ai 29 de jené jirà la 53ejima tapa dla stafeta olimpica da Maran a Eppan, ulache la ruverà verso mesdi. Do Eppan tres Kaltern nfin a Tramin ntëur la trei domesdi, ultimo luech de Südtirol ulache n pudrà ti cialé al fuech olimpich. Na pitla delegazion fajerà vijita a Terlan, ulache puech do la 11 pudran saludé la flama. Fin de chësta tapa ie pona Trënt, ulache duc i apasciunei dl sport festejerà l traviert dl simbol mpurtant.
